Ойнхүү ХХК нь Монгол улсын “Ногоон Хөгжил”-д өөрийн хувь нэмрийг оруулах эрхэм зорилготой бөгөөд ой мод болон бусад ургамал цэцгээр “Нийслэлийн Ногоон Байгууламж”-ийг хангах, мөн тогтвортой хөгжил эко-системийн аргачлалаар мод тарьж, үндэсний үйлдвэрлэлд ашиглах журмаар түүхийгээр, цаашлаад дахин боловсруулахад шинжлэх ухаан талаас нь судалж байгаа юм.
Уг судалгаанд
-
Хамгийн хурдан ургаж болох модыг авсан талбайд үйлдвэржилтийн зориулалттайгаар ургуулан үржүүлэх
-
Ургаж үржүүлсэн мод болон түүнээс ялгарах хогоор дотоодын модны салбарыг түүхий эдээр хангах
-
Ургасан модноос үзэмж сайтайг нь ногоон байгууламжын зориулалттай цэцэрлэгжүүлэлтэд хэрэглэх гэсэн гурван чигийг хэрэгжүүлнэ.
Иймээс таримал ойг ургуулж буй аж ахуй нэгж, хувь хүмүүс нь энэ салбарт хоорондоо өрсөлдөх бус хамтран ажиллаж, мэдээ мэдээлэлээ солилцон түүхий эдийг аривжуулах зорилтыг баримтлах учиртай юм.
Тиймээс эхний 10 жилдээ дотоодын хэрэгцээгээ ханган, дараагийн жилүүддээ гадаадын зах зээлд гаргаж, Монгол улсын экспортын тодорхой хэмжээг эзлэхэд чухал ач холбогдолтой болох энэхүү нөхөн төлждөг эрчим хүчний баялаг нь алсын ирээдүйд чухал байрь суурийг эзлэх болно.
Үүгээр ч зогсохгуй манай улс нь сүүлийн 20 жилийн хугацаанд байгалийн баялагаа ашиглахаар газар нутагаа ухаж хөндөн их хэмжээгээр эвдсэн бол үүний эсрэг нөхөн сэргээх үйл ажилд идэвхтэйгээр оролцох зорилго Ойнхүү ХХК-д агуулагдаж байна.
Тиймээс энэ цаг үед тогтвортой хөгжилийн бодлого болон стратеги баримтлах нь ирээдүйд эрүүл орчинг өвлүүлэн үлдээх чухал үүрэг хариуцлагатай үйлдэл юм.
Монгол улсаас баримталж буй “Ногоон Хөгжлийн Бодлого”-д тулгуурлан энэхүү төслийг урт хугацааны төлөвлөгөөтэй хэрэгжүүлж ногоон байгууламжыг хамгаалж хүн ардын амьдралд сайнаар нөлөөлөхөд Ойнхүү ХХК нь “Улиас” модыг их хэмжээгээр ургуулан үржүүлэх төлөвлөгөөтэй байна.